Një qendër kërkimesh ka zbuluar se kur një femër shtatzënë pi alkool rregullisht, fëmija mund të vuajë nga sindroma FASD, sindroma feto-alkoolike e cila shkakton keqformime, çrregullime mendore, vështirësi në të mësuar dhe sjellje.
Shtatzënia është një periudhë sa e bukur edhe delikate për një femër dhe foshnjën që mban në bark. Ndaj duhet mbajtur nën kontroll dhe duhet bërë kujdes ndaj asaj që hahet dhe pihet.
“Fabrica”, qendra e kërkimeve të grupit “Benetton”, ka punuar me fushatën “Too young to drink”, thënë ndryshe “Shumë i ri për të pirë”. Nisma kishte si synim sensibilizimin e opinionit publik, lidhur me rrezikun e përdorimit të alkoolit gjatë shtatzënisë. Në të shihet një fetus i futur në një shishe alkool me akull dhe limon dhe me kërthizën që duket si pipëz. Jo më kot imazhi i fushatës ka një pamje kaq të fortë, për të frenuar sa më shumë nënat që të përdorin pije të tilla. Vetëm në Shtetet e Bashkuara të Amerikës, çdo vit lindin rreth 40 mijë fëmijë me FASD.
