Rreth një dekadë më parë, interneti u pushtua nga pikturat e artistëve në trotuare me skena që dukeshin si 3D.
Këtë herë, Ministri i Transporteve në Indi, Nitin Gadkari, ka në plan të aplikojë të njëjtën teknikë për t’i bërë rrugët më të sigurta.
Autoritetet kanë pikturuar iluzione optike në rrugë në mënyrë që shoferët e rrezikshëm të ngadalësojnë shpejtësinë.
Ministri i Transporteve në Indi tha se sidomos ndryshimi i vijave të bardha “tradicionale” në 3D është mjaft efektiv, pasi i bën ato të dukshme, madje krijon idenë edhe të pengesave në rrugë. Ai shtoi se kjo risi është testuar tashmë dhe duket se ka dhënë efektin e pritshëm.
