Dy persona kanë mbetur të plagosur pasditen e djeshme në Itali, pas një sherri të ndodhur mes shqiptarësh në rrugën Bellini, Vicenza.
Mediat italiane raportojnë se një 60-vjeçar shqiptar, pronar i një kompanie që operon në fushën e ndërtimit, i mbështetur nga dy të afërm, u përleshën me një bashkatdhetarin e tyre 45-vjeçar.
60- vjeçari tha në polici se 45-vjeçari punonte në ndërmarrjen e tij dhe ishte kapur shpesh duke vjedhur. Ky i fundit kishte mohuar akuzat, duke këcënuar me vdekje pronarin.
Konfikti verbal mes palëve përfundoi në një dhunë, raportojnë mediat lokale.
Pas mbërritje në vendngjarje të policisë italiane, u bë e mundur edhe ndalimi i përleshjes.
45-vjeçari u lëndua në qafë, ndërsa 60-vjeçari në dorë. Të dy u dërguan në spital me ambulancë.
