Shqiperia ne Ballkaniaden e vitit 1946 Kombëtarja shqiptare e futbollit drejtohet nga Federata Shqiptare e Futbollit dhe është krijuar që nga viti 1932. Edhe pse nuk ka luajtur asnjë ndeshje, ekipi kombëtar shqiptar i futbollit ka ekzistuar para se të krijohej FSHF-ja. Kjo gjë dëshmohet nga regjistrimi i kombëtares në Kupën Ballkanike të 1929–1931 (edhe pse Shqipëria u tërhoq nga kompeticioni përpara se të fillonte). FSHF-ja u krijua më 30 qershor 1930 dhe Shqipëria priti 16 vite për të luajtur ndeshjen e parë ndërkombëtare, duke debutuar kundër Jugosllavisë, më 1946. Në 1932, Shqipëria u anëtarësua në FIFA (gjatë kongresit të mbajtur më 12-16 qershor).
Në vitin 1954 u bë pjesë e UEFA-s. Në vitin 2016, për herë të parë në histori, kombëtarja shqiptare do të luajë në finalet e një kompeticioni madhor, sikurse është “Euro 2016”. Shqiperia, kombetarja para miqesores ne Luksemburg Shqipëria mori pjesë për herë të parë në ndeshjet kualifikuese të turneve të mëdhenj në kualifikueset e “Euro 1964”, ku kaloi raundin paraeleminator, pasi Greqia u tërhoq. Më pas u eleminua me rezultatin e përgjithshëm 4–1 nga Danimarka. Pas kësaj, kombëtarja shqiptare në futboll mori pjesë në kualifikueset e Kupës së Botës 1966, nën udhëheqjen e Panajot Panos (i cilësuar si lojtari më i mirë shqiptar i të gjitha kohërave).
Ajo ishte vendosur në Grupin 5, duke e mbyllur fushatën eliminatore në vendin e fundit, me 1 pikë. Në kualifikueset e “Euro 1968”, Shqipëria do të arrinte një rezultat historic, pas barazimit 0–0 kundër Gjermanisë Perëndimore, duke e lënë këtë të fundit jashtë finaleve të këtij Europiani. Shqipëria duke festuar fitoren 1-0 ndaj Francës, në “Elbasan Arena” Një brez i ri lojtarësh e udhëhoqën kombëtaren shqiptare drejt rezultateve të mira në vitet 1980-të. Në kualifikueset e Kupës së Botës 1986, ata morën një barazim prestigjoz 2–2 kundër Polonisë, gjithashtu një fitore historike 2-0 kundër Belgjikës.
Megjithatë, as këto rezultate të mira nuk i siguruan Shqipërisë kualifikimin në Kupën e Botës, për herë të parë në histori. Më 14 mars 2008, Shqipëria u përjashtua përkohësisht nga futbolli ndërkombëtar (FIFA dhe UEFA), për shkak të ndërhyrjes së rëndë politike. Përjashtimi zgjati 46 ditë. Kombëtarja shqiptare e futbollit, vitet e fundit ka afruar shumë lojtarë me origjinë nga Kosova, ose të rritur në Zvicër, si: Etrit Berisha, Ermir Lenjani, , Migjen Basha, Amir Abrashi, Shkëlzen Gashi, Valdet Rama, Alban Meha, Taulant Xhaka, Amir Abrashi etj.
