Marouane Fellaini dhe Robert Huth janë të skualifikuar për tre ndeshet e radhës me efekt të menjëhershëm pasi Federata Angleze e Futbollit i ka akuzuar për sjellje të dhunshme. Futbollistët u përplasën me njëri-tjetrin larg syve të gjyqtarit gjatë ndeshjes Manchester United-Leicester 1-1. Fellaini tërhoqi prej krahu Robert Huth, ndërsa mbrojtësi iu përgjigj duke e tërhequr prej flokësh. Që të dy futbollistët e pranuan fajësinë, edhe pse Huth deklaroi se tre javë dënim janë shumë për një moment gjaknxehtësie, që zgjati shumë pak.
Huth nuk do të luajë më asnjë nga ndeshjet e mbetura të Leicester City në Premier League dhe do të jetë i skualifikuar edhe në javën e parë të kampionatit të ardhshëm, ndërsa Fellaini do të jetë i skualifikuar për tre ndeshjet e “djajve” në këtë kampionat, por do të jetë i dispponueshëm për trajnerin Van Gaal në finalen e Kupës së Anglisë kundër Crystal Palace më 21 maj. Trajneri i United, Louis van Gaal, deklaroi: “Ne duam kemi apeluar vendimin e FA, sepse reagimi i Fellaini ishte ai që do të bënte çdo qenie njerëzore pas provokimeve të Huth. Me këtë po e justifikoj, por pres nga ai që të jetë më i pjekur dhe të durojë më shumë provokimet e kundërshtarëve.”
