Policia e Vlorës ka identifikuar dy persona të dyshuar si autorë të një grabitje me dhunë, të ndodhur në Vlorë mbrëmjen e 29 prillit.
Ditën e djeshme u bë e mundur arrestimi i Ervis Toro, 28 vjeç, banues në Vlorë, ndërsa bashkëpunëtori i tij u shpall në kërkim. Toro u ndalua në lagjen “Pavarësia”, ndërsa akuzohet se në bashkëpunim me shtetasin J. T., i shpallur në kërkim, bashkë me një person tjetër të paidentifikuar ende, dyshohen se kanë shkuar të maskuar dhe të armatosur para hyrjes së derës të banesës së shtetasit K.Q. 39 vjeç. Ata kanë shkuar në katin e gjashtë të pallatit ku banon 39- vjeçari, në lagjen “Isa Boletini”, me qëllim për të grabitur, por pasi kanë hasur kundërshtimin e tij, e kanë goditur një herë në kokë me qytën e pistoletës dhe më pas janë larguar menjëherë. Të dyshuarit akuzohen për veprën penale “Vjedhje me dhunë, kryer në bashkëpunim”.
