Policia italiane ka arrestuar 2 shqiptarë dhe një biznesmen italian pasi janë kapur me drogë. Mediat italiane raportojnë se 3 personat janë kapur në Rimini, me një sasi droge me vlerë 300 mijë euro.
Të arrestuarit janë dy shqiptarët Devis Hisa 23 vjeç dhe Erid Disha 22 vjeç si dhe biznesmeni italian, David Roberto 41 vjeç.
Operacioni i policisë u zhvillua mbrëmë, kur agjentët ndoqën një makinë që drejtohej nga njëri prej shqiptarëve, i cili u takua me shokun e tij dhe bisnesmenin italian.
Gjatë momentit të takimit, ata shkëmbyen 30 kilogramë kanabis sativa, vlera e së cilës shkon në rreth 300 mijë euro. Gjatë kontrollit trupor, shqiptarëve iu gjetën edhe 50 gram kokainë.
