Pjesëmarrja në garat automobilisitike mbart gjithnjë rrezik të madh mbi vete. Këtë e provoi edhe Sidnei Frigo fundjavën e kaluar, në kampionatin NHRA në Teksas.
Piloti u bë protagonist i një aksidenti vërtet të frikshëm, pasi makina e tij doli nga pista dhe u përplas me muret mbrojtëse, për të bërë më pas disa rrotullime në ajër e duke rënë në tokë.
Ndihma në drejtim të Frigos ishte e menjëhershme, me pilotin që u dërgua në spital. Për fatin e mirë të tij, aksidenti nuk pati pasoja të rënda dhe Frigo e kaloi atë me vetëm një frakturë në krah.
