Reforma në drejtësi duket se është pranë miratimit pasi është arritur marrëveshja mes palëve. Deputeti Eduart Halimi duke folur pas mbledhjes së Komisionit të Reformës u shpreh se opozita ka dhënë miratimin e saj në parim për çështjet më të diskutuara.
“Po punojmë për të hedhur në letër draftin e plotë të Reformës në Drejtësi siç është diskutuar këto muaj. Opozita ka dhënë dakordësinë e saj për Byronë Kombëtare të Hetimit, për hetimin e gjyqtarëve, për prokurorinë speciale, sipas draftit të fundit që është dorëzuar pasi ndryshon shumë nga drafti i shtatorit të vitit të kaluar.
Për këto kemi dhënë dakordësinë në parim.
Komponentin antikorrupsion jemi gati ta votojmë që javën e ardhshme”, u shpreh Halimi.
