Policia kap 5.3 kg drogë, arrestohen 3 shtetas në Gjirokastër (Foto)

Operacioni antidrogë i koduar me emrin “Kabriole” është finalizuar nga Policia e Gjirokastrës ku ka kapur në flagrancë 3 shtetas.

Sipas njoftimit të policisë u arrestuan Arben Memajdini , 32 vjeç, banues në Sarandë, Dorian Memajdini, 25 vjeç, banues në Sarandë, Arbër Petrani , 24 vjeç, banues në Memaliaj.

Nga kontrolli i mjetit tw Arbër Petrani tip BMV rezultoi se në pjesën e serdiles së pasme u gjet një qese ngjyrë e zezë me lëndë të dyshuar Cannabis Sattiva me peshë 5.3 kg

Njoftimi i policisë:

“Mbi bazën e informacioneve të marra në rrugë operative se shtetasi Arbër Petrani në bashkëpunim me dy shtetas të tjerë do të kryenin një transport lënde narkotike nga Këlcyra për në Gjirokastër dhe më pas për në qytetin e Sarandës, menjëherë u organizua puna dhe në vendin e quajtur “Ura e Leklit” u vendosën Shërbimet Operacionale të Kontrollit të Territorit, si dhe në vendin e quajtur “Dragot” u vendosën Shërbimet e Seksionit për Narkotikët. Nga vëzhgimi i kryer në orën 23:00 është konstatuar mjeti”Fiat Punto” me targa HMH 4943 dhe pas tij në një distancë prej 300 metrash lëvizte automjeti “BMV” me targa AA 494 DU, të dy mjetet lëviznin në drejtim të Urës së Dragotit. Menjëherë shërbimet u vun në ndjekje të automjeteve. Në vendin e quajtur “Kthesa” e fshatit Kodër është bërë ndalimi i mjetit “BMV” ku drejtues i mjetit “BMV” rezultoi shtetasi Arbër Petrani. Në vendin e quajtur “Ura e Leklit ” është bërë ndalimi i mjetit “Fiat Punto” , ku drejtues ishte shtetasi Arbër Memajdini dhe pasagjer vëllai i tij Dorjan Memajdini”. Nga kontrolli i mjetit BMV rezultoi se në pjesën e serdiles së pasme u gjet një qese ,ngjyrë e zezë me lëndë të dyshuar Cannabis Sattiva me peshë 5.3 kg”, thuhet në njoftimin e policisë. Materialet i kaluan Prokurorisë së Rrethit Gjyqësor Gjirokastër për veprën penale “Prodhim dhe shitje narkotikësh ” parashikuar nga neni 283/2 i Kodit Penal.