Kapet i shumëkërkuari Marini, kërkohet ekstradimi në Itali

Policia e Fierit ka kapur dhe ndaluar katër shtetas të shpallur në kërkim për vepra të ndryshme penale.

Mes tyre është dhe i shumëkërkuari nga Italia Florind Marini. 26 vjeçari lindur dhe banues në Libofshë, Fier, është shpallur në kërkim ndërkombëtar nga Prokuroria e Apelit Firence për veprat penale: “Vrasje me dashje në bashkëpunim”, “Heqje e paligjshme e lirisë”, “Vjedhje me dhunë”. Ndalimi i tij u bë me qëllim ekstradimi drejt Italisë. Kapja e këtij personi u bë në bashkëpunim me I.E.V.P Fier.

Në njoftimin për shtyp Policia e Fierit ka kapur dhe tre shtetas të tjerë që kërkoheshin nga policia.

Ata janë:

1. Uliks Gjata. Ky shtetas ishte shpallur në kërkim per arsye se ndaj tij, Gjykata e Rrethit Gjyqesor Fier, ka vendosur masen e sigurise “Arrest me burg” për veprat penale “Mbajtje pa leje e armeve të zjarrit” dhe “Plagosje e rëndë nga pakujdesia”.

2. Elderin Shperdheja. Ky shtetas ishte shpallur në kërkim pasi është dënuar nga Gjykata e Rrethit Gjyqësor Fier me 8 muaj burgim për veprën penale “Vjedhje”.

3. D.K. Ky shtetas ishte shpallur në kërkim për arsye se është dënuar me 2 muaj burgim për veprën penale “Vjedhje”.