Real Madrid mposhti 1-0 skuadrën e Manchester City dhe fitoi të drejtën për të luajtur në finalen e Champions League kundër Atletico Madrid, në atë që do të jetë përsëritja e finales së vitit 2013, ku “Los Blancos” fituan për herë të dhjetë trofeun e Champions League. Fatet e ndeshjes i vendosi goli i shënuar nga Gareth Bale. Ky ishte goli i parë i uellsianit në këtë edicion të Champions League, por vendimtar për arritjen në finalen e madhe të 28 majit në “San Siro” të Milanos.
Derbi i Madridit spostohet nga La Liga në sfidën elitare të Europës. Real Madrid fitoi 1-0 Manchester City Cristiano Ronaldo luajti nga minuta e parë për Real Madrid, pasi kishte munguar në barazimin 0-0 në Angli, kurse Karim Benzema nuk rikuperoi në kohë. Nga ana tjetër, Pellegrini është përgjigjur me një formacion mbrojtës ku Jesus Navas, De Bruyne dhe Sergio Aguero ishin sulmuesit e vetëm. Në mesin e pjesës së parë sulmuesi uellsian, Gareth Bale, shënoi golin e avantazhit për Real Madrid, duke marrë një pasim vertikal nga Daniel Carvajal dhe devijimi i topit nga Fernando i dha një trajektore të papritshme për portierin Joe Hart.
Pas përplasjes në shtyllë, topi u ndal në rrjetë. Manchester City nuk kishte shkuar kurrë kaq larg në Champions League Pak para pushimit të pjesës së parë, Manchester City goditi shtyllën e jashtme të portës së mbrojtur nga Keylor Navas, duke trembur stadiumin “Santiago Bernabeu”, megjithatë Real Madrid luajti më mirë gjatë pjesës së parë dhe e meritoi avantazhin. Kjo ishte ndeshja e 30-të radhazi për Real që shënon në Madrid në Champions League. Real Madrid e nis me vrull edhe pjesën e dytë dhe Bale bëhet furnizues për Modric dhe Jese, por të dy këta lojtarë nuk shfrytëzuan pasimet e uellsianit. Vetë Bale goditi traversën me një goditje me kokë kur u mbush një orë lojë, por Realit i mjafton edhe fitorja 1-0 për të vazhduar më tej.
