Federata e Futbollit të Maqedonisë ka votuar për anëtarësimin e Kosovës në UEFA, konfirmoi zëdhënësi i FFM-së, Faton Zylbeari.
Ne një prononcim për AA ai tha se votimi ka qenë i bazuar në interesat e futbollit.
“FFM shumë më herët gjatë një vizite të Fadil Vokrit në Shkup kishte shprehur mbështetje për Kosovën. Sa i përket votimit për pranimin e Kosovës në UEFA, ne kemi votuar konform interesit të FFM-së dhe futbollit në përgjithësi” tha Zylbeari.
Ai theksoi se delegacioni i FFM-së në Budapest ka qenë i kryesuar nga kreu i Federatës, Ilço Gjeorgjioski dhe nënkryetari Muhamed Sejdini dhe Sekretari Filip Popovski.
