Asnjë nuk është si Totti në Europën e rëndësishme, ose më saktë në pesë kampionatet kryesore. Në moshën 40-vjeçare, pas gjithë asaj që i ka ndodhur në muaj e fundit, pas dëmtimeve dhe polemikave, Totti ka bërë atë që di më mirë: punën e fenomenit. Kjo sepse në fund të llogarive, të bëra nga agjencia “Opta”, kapiteni i Romës është ai që shënon më shpesh në të gjithë Europën. Kjo ndoshta nuk do të thotë asgjë, por njëkohësisht tregon gjithçka. Totti ka shënuar 5 gola në 328 minuta të luajtura, që do të thotë: një gol çdo 65.6 minuta lojë. Më mirë se të gjithë…
Francesco Tottei është kapiteni i Romës Totti ka bërë edhe më mirë se Zlatan Ibrahimovic, i cili shënon një gol çdo 67.7 minuta në Ligue 1, 34 në total. I treti në listë është Karim Benzema i Real Madrid, që shënon çdo 79.9 minuta, ndërsa i katërti është Adrian Ramos që ka shënuar 9 gola me fanellën e Borussia Dortmund, një gol çdo 83.3 minuta. Luis Suarez, autor i 35 golave në La Liga, shënon çdo 84 minuta. Në klasifikimin e dhjetë lojtarëve me mesataren më të lartë të shënimit në Europë janë edhe Iheanacho i Manchester City, Higuain i Napoli, Bale i Real Madrid, Agirretxe i Sociedad dhe Lewandowski i Bayern Munich.
