Massimiliano Allegri nuk gabon asnjë lëvizje. Kundër Carpit golat mbërrijnë pikërisht nga Hernanes, i preferuar mbi Leminia dhe Zaza, i aktivizuar në vend të Morata. Juventusi regjistron fitoren e 25-të në 26 ndeshje me sforco minimale dhe synon e vendosur finalen e Kupës së Italisë kundër Milanit. “Tensioni është reduktuar në mënyrë të paevitueshme pasi siguruam matematikisht titullin. Fituam ndonëse pa bërë një lojë shumë të mirë. Jam i lumtur që nuk pësuam gol. Duhet të përmirësohemi më shumë në aspektin teknik dhe mbi të gjitha duhet të jemi në gatishmëri për finalen e Kupës së Italisë kundër Milanit.
Morata? Pësoi një goditje në kofshë, duke ndjerë një shqetësim dhe preferova ta zëvendësoj”, u shpreh trajneri i Juves. Allegri tashmë synon Kupën e Italisë, të cilën do ta diskutojë me Milanin. Një tjetër gol nga pankina, por Simone Zaza nuk është i kënaqur. “Në aspektin personal nuk jam i kënaqur në nivelin maksimal. Por nuk pendohem për asgjë. Kam dhënë gjithmonë maksimumin sa herë kur jam aktivizuar. Jam i lumtur për suksesin në kampionat dhe për finalen e Kupës së Italisë, edhe më shumë nëse do ta fitonim”, deklaroi sulmuesi i bardhezinjve, Simone Zaza. Zaza deklaroi se ishte shfaqur shumë i durueshëm këtë sezon, pavarësisht aktivizimit të reduktuar.
“Zaza ka qenë i durueshëm? Mbase unë kam qenë edhe më shumë i durueshëm. Gjithmonë duhen bërë zgjedhje, ai ka qenë përcaktues. Ka bërë gjithmonë mirë. Ka qenë një vit i rëndësishëm për rritjen e tij. Asnjë ekipi i madh nuk të ofron vendin e titullarit të siguruar, duhet të luftojë me shokët e tjerë të repartit. Është normale që te Juventusi të ketë konkurrencë në sulm, por Zaza mund të shndërrohet në një titullar këtu te Juve”, deklaroi trajneri Massimiliano Allegri i cili zbuli faktin se në mesjavë do të takohet me drejtuesit e klubit.
