Ish-drejtori i Shkollës së Mesme në fshatin Trebinjë në Pogradec është proeduar penalisht, për “Falsifikim të dokumenteve shkollore”.
Mësohet se ka nisur ndjekja penale në gjendje të lirë për 50-vjeçarin me iniciale T.B., banues në Pogradec, pasi, nga verifikimet e kryera dyshohet se në vitin 2011, kur ka qenë me detyrë Drejtor i Shkollës së Mesme të Përgjithshme, në fshatin Trebinjë, ka falsifikuar regjistrin e amzave.
Sipas policisë në këtë periudhë ai ka lëshuar vërtetime dhe dëftesa pjekurie të falsifikuara, për persona të ndryshëm, të cilët nuk kanë frekuentuar këtë shkollë.
Materialet i kaluan Prokurorisë të Rrethit Gjyqësor Pogradec, për veprën penale: “Falsifikimi i dokumenteve shkollore”.
