Në Tiranë kanë qarkulluar gjatë ditës së djeshme disa autovetura të gjigandit të internetit, Google, të cilat po fotografojnë rrugët. Makinat që shihni në foto kanë lëvizur djenë afërsi të Kinostudios.
Këto makina do të fotografojnë rrugët në një kënd 360 gradë dhe pas disa javësh, të gjithë përdoruesit e programit Google Street, do të mund të eksplorojnë Shqipërinë.
Google njoftoi pak ditë më parë se do të vinte në Shqipëri, për shkak të kërkesave të larta të përdoruesve shqiptarë të këtij aplikacioni, ndërsa u tha se ky projekt do të promovonte më shumë turizmin.
