“Nëse nuk je pak xheloz do të thotë se s’më dashuron me të vërtetë”. Sa herë e keni dëgjuar këtë shprehje? Nuk e kuptoj pse xhelozia lidhet me dashurinë.
A kanë me të vërtetë lidhje?
A mos ndoshta xhelozia është një problem që mund të shkatërrojë një çift?
Gjatë viteve kam takuar meshkuj, të cilëve u pëlqente t’më bënin xheloze.
E pranoj, s’më ka pëlqyer kurrë t’i jap dikujt motiv për të qenë xheloz.
Sepse kam ecur gjithmonë përpara me idenë: Mos i bëj të tjerëve atë që s’do të doje të ta bënin ty!
Edhe pse kisha këto ide në kokë, sërish jeta më ka bërë të takoj meshkuj xhelozë. Në të shkuarën nuk e kuptoja se ku ishte gabimi.
Tani, që jam më e pjekur kam arritur të kuptoj se çfarëdolloj gjëje që unë të bëja ato sërish do të ishin xhelozë.
Përse? Sepse problei ishte vetëm i tyri, e nuk lidhej aspak me mua apo me sjelljen time.
Një studim i fundit ka arritur në përfundimin se 1/3 e njerëzve janë xhelozë.
Përgjigjen e kam gjetur falë një profesoreshe psikologjie.
Ja çfarë fshihet pas xhelozisë:
1. Pak vetëvlerësim
2. Luhatje humori
3. Ndjesi pasigurie dhe posesivitet
4. Varësi nga partneri
5. Ndjesia se s’je mjaftueshëm për tjetrin
6. Frika se do të të braktisin
E siç edhe mund ta shihni, të gjitha këto “cilësi” që parashtruam më lart s’kanë të bëjnë aspak me dashurinë. Janë thjesht frikë!
Ja çfarë duhet bërë për të mos qenë xhelozë:
1. Mos monitoroni më jetën e partnerit. Duke spiunuar adresën e tij në Facebook, Instagram apo email-et, krijoni dyshime, motive për të qenë xhelozë, që në realitet nuk ekzistojnë.
2. Merruni me veten tuaj. Provoni të rrisni vetëvlërësimin dhe besimin në lidhjen tuaj.
3. Nëse jeni xheloze flisni me partnerin duke eleminuar sarkazmën dhe akuzat pa sens. Flisni hapur. Bashkë gjërat zgjidhem më mirë.
Sigurisht që xhelozia është e justifikueshme kur zbulohen tradhëti apo gjëra të këqia. Në këtë artikull i referohemi xhelozisë patologjike, pa sens, i referohem personave të pasigurtë që gjejnë motiv për të qenë xheloz për çdo gjë.
Unë propozoj që të mos i vendosni bashkë xhelozinë me dashurinë, sepse nuk kanë lidhje. Dashuria nënkupton besim, xhelozia nënkupton pasiguri!
Burimi: Donne.co
