Dy çëshjet më të nxehta të politikës për momentin, kallëzimi i PS-së ndaj Berishës dhe kundërshtimeve që ka bërë Blushi brenda kampit socialist, kryeministri Edi Rama i ka komentuar si të parëndësishme për të.
Lidhur me kallëzimin e Berishës nga Ps, Rama është shprehur se ka qenë kundër këij vendimi.
I ftuar në emisionin “Kapital” të gazetarit Aleksandër Furxhi, Rama është shprehur se ka qenë në minorancë me qëndrimin e tij për këtë cështje, pasi deklarata e Berishës nuk duhej marrë seriozisht.
“Personazhi është gjithmonë e më qesharak dhe ajo thirrje është shprehje kuptimplotë e shterimit mendor, ezaurimit dhe depresionit të madh, në të cilin ndodhet Partia Demokratike në tërësi. Sali Berishën mund ta hetojë vetëm një sistem drejtësie i cliruar nga mijëra fijet që sot e mbajnë peng. Thirrja e Berishës ishte që njerëzit të rrëmbejnë armët dhe të mbrojnë SHQUP¬in nga Reforma në Drejtësi”¬ ishte komenti i kryeministrit
Përsa i përket çëshjes tjetër për qëndrimet e Blushin, Rama është shprehur shumë indiferent. I pyetur nëse e sheh Ben Blushin brenda apo jashtë Partisë Socialiste, përgjigjja e Ramës ka qenë e prerë: “Nuk e shoh fare”.
Ndërsa lidhur me një aleancë me LSI¬në edhe në zgjedhjet e vitit 2017, kreu i maxhorancës nuk pranoi ta vinte në diskutim dicka të tillë. “Nuk ka ndonjë arsye për ta vënë në diskutim, patjetër që po. Të gjithë kur martohen kanë bindjen se janë të përjetshëm, por sot që flasim, kam këtë përgjigje”¬ tha Rama.
