Pas plot 10 rezultatesh negative mes shumë humbjesh dhe pak barazimesh, skuadra e Laçit, finalist e Kupës së Shqipërisë, është rikthyer sot te fitorja në kampionat. Skuadra e drejtuar nga trajneri Ramadan Ndreu ka fituar duelin direkt me Vllazninë në një ndeshje të përfunduar me rezultatin 3-2 në favor të laçianëve. Këta të fundit kanë fituar për të ruajtur pozicionin e tyre në klasifikim, të vënë në rrezik për një shkëmbim të mundshëm pikërisht me shkodranët.
Ndonëse e nisën ndeshjen në disavantazh pas epërsisë së shkodranëve të cilët kaluan në avantazh me Markun që në minutën e 15’, kurbinasit kanë ditur të reagojnë e madje të rikthehen sundues në shtëpinë e tyre. Vetëm shtatë minuta pas pësimit të golit, Laçi ka barazuar falë realizimit të Nimanit. Pas shtatë minutave të tjera ka qenë Cetkoviç ai që përmbysi gjithçka duke kaluar Laçin në avantazh, i cili ka mbyllur në shifrat 2-1 fraksionin e parë të lojës.
Goli i dytë personal i Nimanit. Në pjesën e dytë janë realizuar edhe dy gola të tjerë. Një goleadë e vijuar nga kurbinasit të cilët kanë thelluar avantazhin e tyre falë golit të dytë personal të Nimanit i cili çoi shifrat në 3-1 në minutën e 64’. Miqtë kanë ngushtuar shifrat në minutën e 90’ me Dibrën. Pikërisht në shifrat finale 3-2 në favor të Laçit u mbyll ky takim. Laçi-Vllaznia 3-2.
Laçi – Vllaznia 3-2
Shënues: Nimani 22′ 64′ Cetkoviç 29’/ Marku 15′, Dibra 90’
Laçi: Selmani, Ademir, Buljan, Sheta, Çela, Gocaj, Zefi, Veliaj, Sefgjini, Cetkoviç, Nimani. Trajner: Ramadan Ndreu
Vllaznia: Dragojeviç, Pjeshka, Vrapi, Cicmil, Marku, Krymi, Tafili, Bardulla, Vecaj, Kalaja, Shtubina Trajner: Armando Cungu
Gjyqtarë: Olsi Sokoli, Ergin Doda, Alfred Shkreta.