Kryetari i opozitës, Lulzim Basha ka shkuar në Vorë ku takoi tregëtarët dhe banorës e saj për të parë nga afër situatën në të cilën ndodhen.
Basha tha se përmes uljes së taksave, ekonomia në vend do të qarkullojë 1 miliard euro më shumë në vit.
Tregtarët e Vorës i kanë thënë Bashës se me ato pak para që grumbullojnë shkojnë për të paguar dritat të cilat fatura janë rritur.
Sipas tyre më përpara kanë paguar 60 – 70 mijë lek, kurse tani nga 180 deri në 200 thonë pronarët e bizneseve të vogla.
Nga ana tjetër kreu u PD-së, Lulzim Basha i ka thënë atyre se do i heqin frikën, do ulin taksat kur të vin në pushtet dhe në këtë mënyrë të rrisin ekonomin e vendit dhe punësimin.
Ai po ashtu ka vizituar dhe dy familje në Maikaj të cilat pavarësisht situatës së vështirë shëndetësore dhe asaj ekonomike që kalojnë kryefamiljarët, janë braktisur nga shteti.
Varfëria dhe gjendja shëndetësore (këmbë të prerë) e Zaim Gegës u përdor në zgjedhjet e 2015-ës për t’i blerë votën, por varfëria nuk e mposhti dhe votën nuk e shiti thotë ai.
“Si qeveri do të bëjmë të mundur që për njerëzit që janë në halle të tilla ilaçet të jenë 100% të rimbursueshme nga shteti. Edhe me ndihma të tjera kur jeni në kushte të tilla kur s’keni njeri në punë t’ju paguhet fatura e energjisë. Jo ndonjë ndihmë që të jetoni ashtu siç e meritoni por të paktën t’ju heqim një pjesë të hallit, ka thënë Basha familjeve në nevojë.
