Pasi policia tha se ka nisur procedurat e ekstradimit, sot zyrtarisht dosja e Arben Frrokut, i dënuar përjetë për vrasjen e kryekomisar Dritan Lamaj është dorëzuar në Ministrinë e Drejtësisë.
Kjo e fundit informon se dosja e shtetasit Arben Frroku është dorëzuar ditën e sotme nga ana e Prokurorisë së Përgjithshme dhe po administrohet nga drejtoria përkatëse pranë Ministrisë së Drejtësisë.
Sipas Ministrisë së Drejtësisë, referuar procedurave të parashikuara në ligj, materiali prej rreth 120 faqesh po përkthehet dhe pritet të dorëzohet pranë autoriteteve holandeze brenda mesit të javës së ardhshme.
Pas dorëzimit të kërkesës janë autoritetet holandeze që do ta shqyrtojnë dhe do të marrin vendimin mbi miratimin ose jo të ekstradimit.
