Kryeministri Edi Rama i përgjigjet kritikave të shumta për projektin e stadiumit të ri në Tiranë, duke theksuar se Kulla e shumëpërfolur është propozuar nga arkitetkti italian.
“Kulla është një element i kërkuar me këmbëngulje nga arkitekti dhe studioja si elementi ikonik i projektit të stadiumit të ri që reflekton qoftë kulturalisht raportin e arkitektit me traditën në tërësi dhe me ansamblin në fjalë në veçanti dhe i jep stadiumit një shenjë domethënëse dhe tërheqëse si pjesë të veten”, u shpreh ai.
Kryeministri Edi Rama mbrojti kullën duke thënë se të tilla ndërtohen në shumë vende të botës.
“Stadiumet me kullë nuk janë shpikje e kësaj kohe dhe nuk është shpikje e arkitektëve italianë. Do të isha i lumtur sikur të bënim ne të parën kullë, pavarësisht gjithë baltës dhe keqkuptimeve. Por nuk është e para. Kullat dhe stadiumi kanë bashkëjetuar qysh në vitet e para të shekullit të kaluar. Mjafton të shohësh “Olimpia Stadion”, stadiumin aktual të Firences me kullën e vjetër të ndërtuar para Luftës së Dytë Botërore, plot e plot stadiumeetë gjeneratës së fundit që kanë kullën si element”, u shpreh Rama.
