Kreu i Partisë Demokratike, Lulzim Basha thotë se kryeministri i vendit akuzon shqiptarët si popull dembel dhe të pashkolluar.
Sipas Bashës, shifrat e papunësisë janë në nivele të larta dhe se korrupsioni po mban larg investitorët.
“Shpunësuesi i mijëra shqiptarëve, shkaktari për mbylljen e 80 mijë bizneseve, përgjegjësi për papunësinë qe ka arritur zyrtarisht 18 për qind, por qe ne realitet është shumë më e lartë, akuzoi sot serish popullin e vet se është dembel dhe i pashkollë. Papunësia lidhet vetëm me rrënimin ekonomik, me taksat e larta, me krimin që sundon e mban larg investitorët, me korrupsionin pas çdo porte qeveritare, e për të gjitha këto përgjegjës është Edi Rama.”- u shpreh Basha.
Sipas kreut të opozitës, sot vetëm një kantier është në punë.
“Sot vetëm një kantier është në punë. Vjedhja, zhvatja, plaçkitja. Sot ne pune është vetëm Rama me oligarkinë e tij qe ne dy vjet ka futur ne xhep 2.2 miliard euro. 88 milion dollarë tenderë për 11 miqtë e tij. 90 milion dollarë shpenzime luksi. Ky është i vetmi prioriteti i Edi Ramës, jo të siguroje punësim dhe mirëqenie për qytetarët.”- shtoi me tej kryedemokrati.
