Qeveria i ka hapur rrugë koncesionit për sistemin e ndriçimit publik në Bashkinë e Tiranës dhe atë të Durrësit.
Me anë të një vendimi të marrë sot nga Këshilli i Ministrave i lejohet Ministrisë së Energjisë dhe Industrisë dhe dy bashkive përkatëse që të shqyrtojnë projektin e koncesionit të propozuar nga shoqëria “HeSaLight” A/S, për sistemin e ndriçimit të Bashkisë Tiranë dhe të Bashkisë Durrës.
Propozimi vjen sipas qeverisë “në kuadër të programit të eficencës së energjisë”.
Në vendimin me tre pika, nuk sqarohen detaje të tjera si për shembull sa do të jetë shuma e koncesionit, megjithëse për çmimin mund të negociohet më vonë.
Vendimi hyn në fuqi pas botimit në “Fletoren zyrtare”.
