Kompania Intech + u akuzua nga kreu i Partisë Demokratike, Lulzim Basha se ka përfituar tendera të shumtë publikë, abuziv e klientelistë pasi është mbështetur nga qeveria, meqë është kompania e Ministrit të Shëndetësisë, Ilir Beqaj.
Kjo kompani i është drejtuar Bashës ku i thotë që ti drejtohet organeve të drejtësisë, ose të tërheqë deklaratat e pavërteta, pasi do ta padisë për shpifje.
“Kompania Intech+ sh.p.k. hedh poshte si te paverteta te gjitha shpifjet dhe perbaltjen qe vijon ne menyre te perseritur prej muajsh, duke demtuar rende imazhin dhe reputacionin e shoqerise Intech+ sh.p.k. me akuzat e pabaza. E sfidojme zotin Basha qe t’i drejtohet Organeve te Drejtesise se Republikes se Shqiperise dhe te provoje para Drejtesise akuzat e tij ne lidhje me shoqerine Intech+sh.p.k, qofte edhe per vetem nje procedure prokurimi te favorizuar ne shkelje te ligjit te prokurimit publik. Ne te kundert, i kerkojme zotit Basha te terheqe mbrapsht te gjitha shpifjet, perndryshe, shoqeria Intech+ sh.p.k., ben me dije se do te padise z. Lulzim Basha per prishje te qellimshme te imazhit dhe reputacionit te shoqerise si subjekt tregetar per shperblimin e demit jashtekontraktor pasuror si dhe demit moral referuar neneve 609, 618/2, 622, 625/b/ç, 640 te Kodit Civil te Republikes se Shqiperisë” thuhet në deklaratë .
Duke nënvizuar se fitimet e saj nuk janë sa thotë PD, Intech+ sh.p.k. thotë se ka përfituar tendera edhe në kohën e qeverisë Berisha:
“Intech + sulmohet dhe përbaltet, duke aluduar se gjate vitit 2014 dhe 2015 ka qene e favorizuar politikisht ne aktivitetin e vet, nderkohe, qellimisht harrohet te permenden se sa kontrata dhe prokurime publike ka fituar me te drejte shoqeria Intech+ sh.p.k. gjate qeverisjes se z. Basha ne vitet 2007-2013. Per sa me siper, po i provojme me fakte z. Basha se vetem, me nje fature ne 29 Dhjetor 2007, subjekti Intech+ sh.p.k. ka faturuar Qeverine per 114,789,773 Leke, ekuivalent i 1.33 milion USD (bashkangjitur fatura ) .
Për kompaninë e themeluar nga Ministri i Shëndetësisë, Ilir Beqaj, është e qartë se ajo ka fituar kontrata edhe nën qeverinë Berisha. Por kompania nuk thotë se si arriti t’i marrë 28 tenderat publikë nën qeverinë Rama, për të cilat është nën akuzë nga opozita. Teksa hesht për këto tendera, ajo i kërkon publikut të ketë në vëmendje se prej 15 vjetësh operon në treg pa asnjë influencë politike, edhe pse themeluesi i saj ka qenë deputet dhe është Ministër. /Lapsi.al
