Eliminimi në çerekfinale të Ligës së Kampionëve, kundër Atletico Madrid, e ka nxjerrë jashtë garës më të rëndësishme për klubet në kontinentin tonë. Por, katalanasit e drejtuar nga Luis Enrique prapë mund të fitojnë në mënyrë të dyfishtë. La Liga dhe Kupa e Mbretit janë në “pjatë” përsëri dhe mund të fitohen në sajë të golave të shënuar nga Messi, Luis Suarez dhe Neymar (MSN).Messi, Suarez dhe Neymar kanë arritur tashmë në kuotën e 122 golave në këtë sezon, teksa kanë ende edhe katër ndeshje për t’i luajtur. Barcelona nuk do ta fitojë dot tripletën si sezonin e kaluar. Një “trident”, që sezonin e kaluar futbollistik vendosi një rekord të ri, duke shënuar në futbollin spanjoll 122 gola. Ky “stacion” është arritur tashmë nga MSN, ndërkohë që kanë mbetur ende për t’u luajtur edhe katër ndeshje.
Për këtë arsye mund të kemi një rekord të ri golashënues të MSN. Është kurioz për të analizuar kontributin në shënimin e golave të tre komponentëve të “tridentit” në fjalë, duke marrë na krahasim sezoni e shkuar (2014-2015) më sezonin aktual (2015-2016). Sezonin e kaluar, Messi ka ruajtur autoritetin e tij, me një total prej 58 golash. Vendi i dytë shkoi për Neymar, i cili shënoi 39 gola. Vendi i tretë ishte për Luis Suarez, i cili debutoi me katalanasit më 25 tetor 2014. Uruguajani arriti në kuotën e 25 golave. Këto “rekorde” kanë ndryshuar shumë këtë sezon. Golashënuesi më i mirë në këtë sezon është Luis Suarez.
Suarez, Messi dhe Neymar, “tridenti” i Barcelonës Me një hov prej tetë golash në dy ndeshjet e fundit (4 me 4, ndaj Deportivo dhe Sporting Gijon), sulmuesi uruguajan ka arritur shifrën e 53 golave, 34 prej të cilëve janë realizuar në kampionat. Suarez është “Pichichi” për momentin, para Cristiano Ronaldos (31 gola). Suarez e ka dyfishuar numrin e golave në krahasim me sezonin e kaluar dhe të mendosh që ende ka edhe katër ndeshje (tri në La Liga dhe finalen e Kupës së Mbretit), për ta rritur kuotën e tij. Messi dhe Neymar e kanë ulur performancën e tyre. Ylli argjentinas është në kuotën e 40 golave në këtë sezon, në të gjitha garat, ndërsa baziliani në kuotën e 29 golave. Messi ka shënuar 18 gola më pak se sezoni i kaluar, kurse Neymar 10 gola më pak.
Kjo është shpërndarja e golave nga Messi, Luis Suarez dhe Neymar në dy sezonet e fundit:
MESSI 2014-2015: 58 gola
2015-2016: 40 gola
LUIS SUAREZ 2014-2015: 25 gola
2015-2016: 53 gola
NEYMAR 2014-2015: 39 gola
2015-2016: 29 gola
