Bayern Munich po dominon prej tre vitesh futbollin në Gjermani dhe tani synon të jetë i suksesshëm edhe në Europë. Gjigantët bavarezët do të ndeshen me Atletico Madrid në gjysmëfinalen e Champions League dhe sot kanë udhëtuar për në kryeqytetin spanjoll ku do të luajnë ndeshjen e parë, nesër në mbrëmje. Trajneri Pep Guardiola dhe “yjet” e bavarezëve u dukën të relaksuar dhe dhuruan disa “selfie”, pas zbarkimit në aeroport.
Pep Guardiola duke bërë foto me tifozët në aeroportSpanjolli Javi Martinez është kthyer në vendlindje Thomas Muller, Arturo Vidal dhe Javi Martinez ishin mes futbollistëve më të kërkuar nga tifozët para nisjes nga Myihut dhe gjatë mbërritjes në Madrid. Muller postoi edhe një fotografi në rrjetin social “Instagram” në krah të bashkatdhetarit Mario Gotze.
Që të dy synojnë të jenë titullar në gjysmëfinalen ndaj Atletico, edhe pse Gotze ka mundësi ta nisi ndeshjen nga stoli. Drejtuesi i Bayern Munich, Karl-Heinz RummeniggeFoto e postuar në “Instagram” nga Gotze dhe Muller I sigurt për vendin në formacionin është Arturo Vidal, i cili ka qenë një nga futbollistët më në formë gjatë kësaj periudhe. Kiliani shënoi në fitoren e fundit ndaj Hertha Berlin. “Ai është shumë i rëndësishëm për ne, – tha Gotze për shokun e ekipit. – Ka shënuar rregullisht në ndeshjet e fundit dhe ka bërë kilometra të tëra duke vrapuar, ajo që ne kemi nevojë. Në ndeshjen ndaj Atletico do të luftojmë për çdo centimetër në fushën e lojës.”
