Prodhuesja më e madhe e naftës në botë Arabia Saudite njoftoi të hënën programin e reformimit të ekonomisë me synim heqjen e varësisë nafta.
Në këtë program, është përfshirë shitja e aksioneve të kompanisë shtetërore të naftës, si dhe krijimi i fondit më të madh të pasurive sovrane të botës.
Mbreti i Arabisë Saudite e miratoi programin e reformimit “Arabia Saudite Perspektiva 2030”.
Princi trashëgimtar i vendit Mohammed bin Salman bin Abdulaziz Al Saud, u shpreh në një intervistë televizive se synimi i këtij programi është heqja e varësisë ekonomike nga nafta deri në vitin 2020.
Ai bëri të ditur se Arabia Saudite planifikon të regjistrojë kompaninë e naftës me vlerë prej 2-2.5 trilionë dollarësh amerikanë në tregun e aksioneve dhe të shesë 5% të aksioneve.
Këto para do të përdoren si një pjesë e fondi pasurish sovrane, me vlerë të përgjithshme prej 2 trilionë dollarësh.
