Sipas një studimi të kryer nga “Albert Einstein College of Medicine” në New York City kërcimi nën ritmet e muzikës, jo vetëm është i mirë për trupin, por shërben si anti-plakje dhe stërvit trurin.
Avantazhi? Në sajë të muzikës buron entuziazmi, që sjell djegien e më shumë kalorive, rritet endorfina dhe…ju buzëqeshni edhe më shumë!
Në një studim të kryer në Spanjë morën pjesë 112 adoleshente femra, ku gjysma e vajzave morën pjesë në kërcim çdo javë, ndërsa të tjerat nuk e ndryshuan aspak rutinën normale të përditshme.
Rezultati? Në mesin e subjekteve të cilat kishin kërcyer kishte ulje në mënyrë të konsiderueshme të dhimbjeve në supe dhe qafë, së bashku me çrregullime të lidhura me stresin dhe ankthin.
Sipas ekipit hulumtues, kërcimi është një përvojë e lidhur direkt me emocione pozitive. Kërcimi lëviz trupin dhe i jep energji mendjes, ndihmon për të zgjuar entuziazëm dhe vitalitet, na ndihmon për të harruar brengat.
Kërcimi stimulon prodhimin e endorfinës dhe zvogëlon stresin, në mënyrë që të ketë një efekt pozitiv në procesin e plakjes. Ndaj, njerëz kërceni!
Burimi: TgCom24
