Një 45 vjeçar është shpallur në kërkim nga Policia e Tiranës pasi ka qëlluar me automatik një qen pitbull duke e vrarë.
Sipas burimeve të policisë, qeni i kishte kafshuar djalin dhe pas kësaj 45 vjeçari i është drejtuar qenit me armë zjarri duke e vrarë në vend. Ngjarja ka ndodhur në rrugën “Sitki Çiço” në Tiranë.Ndërkohë në vendngjarje janë plagosur dhe dy persona të tjerë të cilët janë dërguar në spital jashtë rrezikut për jetën.
Autori që ka vrarë qenin është larguar së bashku me fëmijën dhe më pas është fshehur.
Ky person, thanë burimet, dyshohet se është banor i zonës dhe aktualisht po kryhen një sërë kontrollesh nga policia, për gjetjen e tij.
Dy personat e plagosur mësohet se pas ngjarjes janë transporuar për në spital, dhe ndodhen jashtë rrezikut për jetën. Një prej tyre është 19-vjeçari V.V., që është plagosur në këmbë.
Ndërkohë, pronari i qenit është shoqëruar për në polici dhe më pas është lënë i lirë.
