Claudio Ranieri feston fitoren 4-0 ndaj Swansea, e cila përforcon pozitat e Leicester City në krye të renditjes në Premier League. “Duhet t’i japnim një përgjigje mungesës së Vardy dhe kjo ishte përgjigja më e mirë. Ishte një paraqitje fantastike e skuadrës, por ende asgjë nuk ka mbaruar.
Në mendjen time Tottenham mund t’i fitojë të gjitha ndeshjet dhe kësisoj duhet të marrim të paktën pesë pikë për t’u shpallur kampionë. Deri tani kemi ëndërruar, tani ëndrra duhet kthyer në realitet.” Claudio Ranieri feston fitoren ndaj Swansea Më pas, trajneri italian ka thurur lavde për Ulloa, autor i dy golave kundër uellsianëve. “Eshtë një sulmues i nivelit më të lartë.
E ka pranuar gjithmonë stolin, në shumë ndeshje dhe diti të ishte i gatshëm në momentin që patëm nevojë për të.” I pyetur në lidhje me spekulimet e merkatos që thonë se Leicester do të marrë Totti, Ranieri u përgjigj: “Totti është i rëndësishëm për Romën dhe Roma për Totti. Fjalët e tjera janë spekulime.” Leonardo Ulloa ka marrë lëvdatat e trajneri Ranieri
Edhe trajneri i Swansea, Francesco Guidolin, e ka humbur ndeshjen me klas, duke përgëzuar kundërshtarin: “Leicester meriton titullin kampion në Angli dhe sot fitoi me meritë të plotë. Jam shumë i kënaqur për Ranierin. E kuptova ndjesinë e lotëve të tij pas ndeshjes së fituar ndaj Sunderland.” Leicester City kryeson Premier League me pesë pikë më shumë se Tottenham, që ka luajtur një ndeshje më pak, atë që do të zhvillojë nesër ndaj WBA.
