Shqiptarja Xhesika Kaftirani, 22 vjeç dhe i fejuari i saj Italian, 26 vjeç, janë arrestuar nga policia italiane pasi rezultuar të ishin shpërndarës droge.
Çifti zhvillonte aktivitetin kriminal nëpër diskoteka por me një mënyrë të veçantë të shpërndarjes së drogës. Ata krijonin kokrra ekstazi me logon e “Whatsapp”.
Sipas mediave italiane, çifti u kap në flagrancë me disa doza anfetamine, kokaine dhe ekstazi, para se të hynin në një diskoteke në Ragusa.
Menjëherë pas arrestimit të dy të rinjve, policia ushtroi kontroll në banesën e tyre, ku u gjetën qindra doza të tjera ekstazi, disa doza kokaine, materiale për prerjen e drogës dhe një peshore profesionale.
Shqiptarja tha se e mbante anfetaminën në frigorifer, pasi aty droga konservohej më mirë. Nuk dihet se nga vinte droga që ata shpërndanin. Mbi çiftin italoshqiptar, rëndojnë akuzat e trafikimit dhe e shpërndarjes së lëndëve narkotike.
Bold News
