Takimi i sotëm mes Ambasadorit të Shteteve të Bashkuara të Amerikës në Tiranë, Donald Lu me kryetarin e Partisë Demokratike, Lulzim Basha dhe ish kryeministrin Sali Berisha ka patur në qendër dy çështje kryesore.
Në njërën anë është diskutuar për çështjen Shullazi dhe nga ana tjetër reforma në drejtësi.
Fillimisht Lu ka shkuar në zyrën e Berishës, me të cilin ka qëndruar rreth 30 minuta dhe më pas ka nisur një takim me kreun e PDsë, Lulzim Basha.
Pasdite ishte Berisha ai qe përmes një statusi në rrjetet sociale, ka zbardhur edhe çështjet e diskutuara në takimin me ambasadorin amerikan.
“Ne kete takim u diskutua gjeresisht per dy çeshtje: Ceshtja Shullazi, ajo e bandes se tij, arrestimi, lidhjet e tij me zyrtaret e niveleve me te larta ne qeveri, parlament, polici dhe institucione te tjera, terrori i kesaj bande ne qytetin bregdetar te Durresit ne pjesen jugore te Tiranes dhe zona te tjera te vendit, arsenali i armeve qe disponon kjo bande, me e madhja ne historine e vendit dhe me e fuqishmja ne lidhjet e saj politike. Arrestimin rreth 7 here gjate qeverise se meparshme dhe denimin e tij ne gjykata si dhe demshperblimin e tij ne kundershtim flagrant me ligjin, ne vitin 2014, nga miqte e tij qeveritar e kryeqeveritar! Reforma ne drejtesi dhe ecuria e saj ishte ceshtja tjeter per te cilen u diskutua gjeresisht. Ne kete takim rikonfirmova mbeshtetjen time per reformen ne drejtesi, si nje proces jetik per shtetin ligjior ne Shqiperi. Ne takim u diskutua gjeresisht mbi lidhjet e politikes me krimin ne teresi. sb”, shkruan Berisha në Facebook. Takimet e Donald Lu vijnë një ditë pasi Berisha i bëri thirrje nga Parlamenti të gjithë qytetarëve që të pajisen me armë për tu ruajtur nga kjo qeveri që është shndërruar në organizatë kriminale.
Bold News
