Femrat investojnë shumë në një marrëdhënie, në mënyrë që gjithçka të shkojë mirë.
E besojmë dhe e dashurojmë pa limit partnerin tonë. Nuk e vendosim kurrë veten në qendër, kur dashurojmë nga thellësia e shpirtit.
Shoqja ime e ngushtë ishte e dashuruar me një djalë, i cili e ka trajtuar keq në shumë raste. Kishte besim tek ai dhe i fali gjithçka mundi. Nuk po kuptonte sa gabim po vepronte dhe sa po e dëmtonte veten e saj, derisa marrëdhënia përfundoi.
Meshkujt duan të zgjidhen nga një grua “e fortë” dhe e pavarur. Tipi i femres që di sa vlen, që respekton veten dhe di si t’i bëjë të tjerët ta respektojnë. Në momentin kur një femër do të mësojë të respektojë veten e saj do te këtë më tepër sukses në marrëdhëniet me meshkujt.
Femra nëse nis e kupton se diçka nuk shkon, pavarësisht se e dashuron marrëzisht mashkullin që ka në krah, përgatitet ta braktisë sepse e kupton pas pak kohësh se e kishte dashur për arsyet e gabuara, të cilat quan edhe në ndarje.
Këtu janë disa arsye se pse femrat braktisin meshkujt që dashurojnë:
- Mungesa e interesave të përbashkëta nuk është një shenjë e mirë.
Ok, para se të them unë diçka, duhet të dish që njerëzit ndryshojnë me kohën. Mund të ndryshosh ti ose mund të ndryshojë partneri yt. Nuk e mohoj që është e vërtetë shprehja “të kundërtat tërhiqen”, por është po ashtu e vërtetë se duhet të keni interesa të përbashkëta. Sepse janë interesat e përbashkëta që ju kanë bërë të bini në dashuri, sepse kur këto të zbehen, do të ketë pasoja drastike në marrëdhënien tuaj.
Ju jap një shembull konkret: Ish-i fejuari i shoqes sime më të mirë, në nisje të lidhjes, ishte perfekti në sytë e saj, shoqja ime adhuronte gjithçka tek ai mashkull. Por nga fundi i lidhjes shoqja më rrëfeu se nuk po duronte më asnjë sjellje të tijën. Kur arrihet në këtë pikë gjëja më e mirë është t’i jepet fund lidhjes.
- Mungesa e dialogut do ta vrasë lidhjen tuaj.
Femrat kanë nevojë per dikë me të cilin mund të bisedojnë lirisht, për çdo gjë. Nuk është e zakonshme që një mashkull t’ju dëgjojë çdo herë, por nëse mungesa e dialogut bëhet gjithmonë dhe më prezente po i jep asaj një motiv për t’i dhënë fund lidhjes. Nëse ajo ka nevojë për ty e ti s’je kurrë, është njëlloj sikur t’i kërkosh të gjejë dikë tjetër sepse s’ka më asnjë interes në sytë e saj karshi teje.
- Intimiteti është shumë i rëndësishëm.
Femrat kanë nevojë për intimitet po aq sa edhe meshkujt. Nëse nuk bën hapin e parë në krevat e nëse nuk kënaq nevojat e saj me intime, atëherë ajo do të besojë se t’i kënaq të tuat diku tjetër dhe dëshira, që më parë ishte e dukshme, zbehet plotësisht. Me shumë mundësi nuk do të ndjehet më e deshiruar prej teje dhe kjo do të dëmtojë lidhjen tuaj.
Marrëdhëniet intime rrëfejnë shumë për raportin tuaj. Nuk e mohoj që, jo të gjithë personat që bëjnë seks duhen, por statistikat tregojnë se arsye kryesore pse njerëzit kryejnë marrëdhënie seksuale është dashuria.
- Egoizmi yt rritet.
Kaloni më shumë kohë duke u marrë dhe bërë gjëra që të kënaqin më shumë ty dhe e lini pas dore partneren? Ne femrat duam të jemi prioriteti, jo një ndër shumë zgjedhje. Nëse doni të rrini vetëm, ajo do të tentojë të të afrohet më shumë, por pas pak kohësh do të tërhiqet dhe do t’ju lërë me të vërtetë vetëm. Në një marrëdhënie nuk ka “Unë”.
Dhe mos harroni: Një femër në një marrëdhënie ka nevojë për dy gjëra: 1. Siguri dhe 2. Dashuri, shumë dashuri…!
Bold News
