Gjatë këtij muaji, Ministri i Drejtësisë, Ylli Manjani, ka gjobitur, penalizuar dhe pezulluar disa shoqëri përmbarimore.
Kështu, janë hequr rreth 30 licenca të përmbaruesve privat që rezultonin me shkelje. Janë vendosur gjoba, si dhe janë dërguar shkelës për ndjekje penale.
Shkak i kësaj goditje nga Manjani mësohet se bëhet për shkak të problemeve të evidentuara nga qeveria lidhur me ekzekutimet e vendimeve gjyqësore.
Sipas të dhënave nga Ministria e Drejtësisë, mësohet se Manjani i ka hequr licencësn Florian Beqaraj i shoqërisë Justitia, ka pezulluar përmbaruesin Martin Tusha, dhe ka gjobitur përmbaruesit Bujar Mëhilli, Dorian Skendi.
Ndëshkim penal është kërkuar për përmbaruesit : Jordisa Dervishi përmbaruese private e shoqërisë “Star”; Athinela Lubesha, dhe Petri Pihoni përmbarues shtetërorë të zyrës së përmbarimit të Pogradecit.
Nga hetimet paraprake të kryerangaprokuroria e Pogradecit, dyshohet se të tre përmbaruesit nëbashkëpunim me disa punonjës të Procredit Bank, janë përfshirë në një skemë mashtrimi duke përdorur dy kompani financiare shqiptare, “Micro Credit Albania” së bashku me “Collection Company”.
Masa disiplinore janë marrë ndaj kompanive të përmbarimit: “Zig”, “Albaese”, “AEF Bailiff Service” .
Bold News
