Ushtarakët, ja sa përfitojnë ata nga penalitetet e pensioneve për 5 vitet e kaluara

Në komisionin e Ekonomisë, qeveria vendosi që t`u kthejë pas ish¬ -ushtarakëve paratë që u janë mbajtur deri më tani si pasojë e rillogaritjes së pensioneve nga ligji i 2010.

Relatorja e drajtit, deputetja Antoneta Dhima, lidhur me projektligjin për faljen e detyrimeve që kanë ishushtarakët në skemën e pensioneve suplementare, propozoi kthimin nga qeveria e parave që u janë mbajtur ish¬ushtarakëve nga viti 2010 deri në shkurt 2015.

Edhe kryetari i Komisionit të Ekonomisë, Erion Braçe, kërkoi zgjidhje përfundimtare të situatës së krijuar për këtë shtresë, si për detyrimet e mbajtura dhe detyrimet e papaguara. Propozimi i deputetëve u pranua nga ministri i Mirëqenies Sociale, Blendi Klosi, pasi, sipas tij, kthimi i detyrimeve të mbajtura për efekt të rillogaritjes së pensioneve me ligjin e 2010 dhe falja e detyrimeve të papaguara zgjidh problemin e krijuar për pensionet e ish¬ushtarakëve. Përfitues të kthimit të parave të mbajtura janë 5425 ish¬ushtarakë dhe shuma e ndalur që do t’u kthehet pas është 368,5 milionë lekë, apo 3,8 milionë dollarë. Deputetja e Partisë Socialiste Dhima tha se shuma u është mbajtur ishushtarakëve për 5 vjet.

“Sipas të dhënave, nga viti 2010 deri në shkurt të 2015, ishushtarakëve u janë mbajtur 369 milionë lekë. Propozoj faljen e detyrimeve të papaguara në shumën 985 milionë lekë dhe shumën debitore të ndalur në 368,5 milionë lekë brenda 12 muajve nga hyrja në fuqi e ligjit t’u kthehet të gjithë ish-ushtarakëve”, u shpreh Dhima.

LEXO EDHE  Si do t’i ndani sektorët me PD? Kryemadhi: Ja pika e panegociueshme që kemi

Ministri i Mirëqenies Sociale, Klosi, garantoi përballimin financiar për kthimin e parave, e mundësuar nga reforma e skemës së pensioneve. “Në parim ne jemi dakord, pasi kështu ne zgjidhim përfundimisht një problem shumë të madh që është krijuar për këtë shtresë, si rezultat i funksionimit të keq të administratës politike të qeverisjes së kaluar. E themi këtë haptazi dhe me bindje se mundësitë financiare i kemi, pasi po kryejmë reformën e sistemit të pensioneve që ofron mundësi financiare për mbrojtur edhe këtë grupim shoqëror”, përfundoi Klosi.

Falja e detyrimeve të papaguara

Por ish¬ushtarakëve do t’u falen edhe detyrimet e papaguara për efekt të rillogaritjes së pensioneve, sipas aktit normativ të 2010. Deputetët e Komisionit të Ekonomisë miratuan projektligjin e qeverisë për faljen e 985 milionë lekë detyrime që kanë mbetur pa u paguar. Ministri i Mirëqenies Sociale, Blendi Klosi, tha se përfitues do të jenë 5425 ishushtarakë.



PËRGJIGJU

Please enter your comment!
Please enter your name here