Të paktën dy persona kanë humbur jetën dhe 3 të tjerë janë shpallur në kërkim pasi papritur një pjesë e korsisë së biçikletave është shembur në qytetin brazilian të Rio de Janeiro.
Dëshmitarët thanë se 5 persona ishin në rrugë ndërsa ekipet e shpëtimit po vijojnë punën për të gjetur të zhdukurit.
Sipas policisë viktimat kanë rënë në një lartësi prej 50 metrash, ndërsa imazhet tregojnë një boshllëk të madh mes pjesëve të korsisë së biçikletave.
Rruga është ndërtuar përpara Olimpiadës së Rios, ndërsa shkaku i rënies ende nuk dihet.
