Aktivisti i shoqërisë civile Eljan Tanini ka denoncuar në blogun e tij transformimin e Kullës së Sahatit.
Duke shfrytëzuar Ditën Ndërkombëtare të Monumenteve, Tanini e cilëson një restaurim skandaloz Kullën e Sahatit. Sipas tij ky monument, duket si një sapun “Duru” dhe me një ndriçim tepër të keq.
Më poshtë gjeni postimin e Eljan Taninit:
“Gëzuar Ditën Ndërkombëtare të Monumenteve me restaurime skandaloze.
Tani Kulla e Sahatit duket si Sapun Duru, si alabastër, si pambuk, si plastikë e ndriçuar keq. Ose si një material i lehtë për kuzhinën tuaj, për shfaqjen e skenografisë së rradhës.
Nuk besoj të jetë e vërtetë! Mbase është një reklamë kombëtare për sapunët.
Me pak mundësi, është një nismë private nga ajo firma hidrosanitare!
Nga poshtë varja, nga ballkoni e sipër turbo-folk.
Humbi edhe San i Marco i Tiranës, me të njëjtën arrogancë vesesh së propagandës intelektualiste biçim qytetare! Nderkohë, mozaiku i Muzeut Historik Kombëtar po copëtohet çdo ditë. Kjo quhet: Rigonato, ose fënd me rigon.”
