Pas minuta më parë, Emiljano Shullazi ka dalë nga drejtoria e policisë për t`ju drejtuar Gjykatës së Krimeve të Rënda ku do të jepet dhe masa e sigurisë për të dhe dy të tjerët, Blerim Shullazin dhe Gilmando Danin.
Seanca e sotme vjen pas shtyrjes që u njoftua dje, për shkak të seancës paralele që po zhvillohej për imamët e akuzuar për rekrutim xhihadistësh në Gjykatën e Krimeve të Rënda.
Burimet thanë se prokurori i çështjes së Shullazit është i angazhuar dhe në gjyqin ndaj imamëve. Prokuroria e Krimeve të Rënda tha dje se ka kërkuar në gjykatë caktimin e masës së sigurisë “arrest me burg” ndaj tre personave të ndaluar me akuzat e gjobëvënies.
