Luftoni celulitin siç bëjnë vip-at, disa metoda për t’u aplikuar në shtëpi

Nëse ka një cen universal që bashkon të gjitha femrat, pavarësisht përkatësisë etnike dhe sociale që i përkasin, është celuliti.
Celuliti është një nga betejat më të vështira që një femër mund të përballet. Shpesh nuk mjafton fakti se keni burime të mjaftueshme ekonomike dhe kohë për të investuar, as masazhet dhe trajtimet me lazer apo me ultratinguj. Ju duhet të ndiqni regjimin e duhur ushqimor dhe të stërviteni rregullisht.
Në këtë mënyrë veprojnë vajzat dhe gratë e famshme të botës së showbiz-it, të cilat kalojnë shumë orë në palestër (dhe këtë e dini fare mirë pasi shihni fotografitë që postojnë në rrjete sociale).
Ndërsa Eva Longoria dhe Elle Macpherson janë fansa të mëdha të kafesë, të cilën e aplikojnë direkt në lëkurë, Ellie Goulding përdor alga deti brenda vaskës ku bën banjë. Sepse ato kanë fuqi të madhe detoksifikuese dhe favorizojnë eleminimin e toksinave.
Ndërsa Karlie Kloss fokusohet në metodën tradicionale, atë të stërvitjes në palestër duke bërë ushtrime anticelulit. Familja e motrave Kardashian-Jenner konsumon sasi të mëdha lëngjes që shkrijnë celulitin, sidomos çarja detoks.
Madje celuliti luftohet edhe duke pirë sasi të mëdha uji natyral, siç këshillon dhe bën Gwyneth Paltrow.
Këtu janë disa nga metodat më të popullarizuara, për të luftuar celulitin:
1. Banjo në vaskë. Ku të shtoni alga deti të thata apo vajra esencialë (rozmarinë, selvi dhe dëllinjë), pasi ndihmojnë për të riaktivizuar qarkullimin e gjakut. Po ashtu mund të fusni në vaskë edhe sasi të madhe të kripës së kuzhinës.
2. Bëje mirë, bëje vetë. Holloni dy lugë argjil të gjelbër (mund ta bleni në dyqanet ku ka produkte të mjekësisë bimore) në një filxhan me çaj jeshil. Shto vaj ullirit, i cili e bën më të butë masën për ta aplikuar në lëkurë. Shto një lugë gjelle llum kafeje dhe e gjitha kjo ndihmon në qarkullimin limfatik dhe atë të gjakut.
3. Masazhe rrethore. Çdo kozmetike e aplikuar në lëkurë, për të vepruar në thellësi, duhet të përhapet me lëvizje rrethore nga poshtë-lart.
4. Uthulla. Mund të hollohet me ujë mineral dhe duhet ta pini çdo mëngjes (shtoni një lugë çaji mjaltë për ta ëmbëlsuar).
5. Furça. Është vetëm një furçë me qime të buta. Duke e kaluar në trup të thatë stimulon qarkullimin e gjakut. Por kjo lloj furçe mund të ju gudulisë pak.