Çdo vit, me ardhjen e pranverës, në mënyrë të pashmangshme fillojmë e pyesim se si do të bëhemi gati për të provuar kostumin e plazhit, me çfarë të ushqehemi, çfarë lloj aktiviteti fizik të bëjmë dhe cilat janë sakrificat e nevojshme.
Nuk ka asgjë të keqe të kesh deshirën për të qenë në formë për verën, por është e rëndësishme të dini se më shumë se dietat e tepërta vlen një mënyrë jetese e shëndetshme, e cila përfshin gjithë vitin, me një dietë të ekuilibruar dhe stërvitje të moderuar dhe konstante.
Këtu janë 10 këshilla që të mund të jeni gati për të provuar kostumin e plazhit:
- Shmangni ndryshimet drastike. Ndryshimet në mënyrën e të ushqyerit dhe aktivitetin fizik duhet të jenë të vogla dhe në vazhdimësi. Filloni me hapa të vegjël, si një mëngjes i shëndetshëm, një orë më tepër sport dhe me reduktimin e karbohidrateve në mbrëmje.
- Mos u fiksoni me peshën tuaj. Ndonjëherë në mënyrë rutinore kontrollimi i peshës mund të jetë të pafrytshëm, ose shkatërrues për gjendjen morale. Ndaj më mirë hani më shumë fruta dhe perime se sa të rrini sipër peshores.
- Boll u krahasuat me njerëzit e tjerë. Çdo njeri është i ndryshëm, si dhe metabolizmi juaj është i ndryshëm nga ai i të tjerëve. Diçka që vlen për ta qenë në formë për një person mund të mos vlejë për ju dhe e anasjellta. Gjëja më e mirë për të bërë është të gjykoni vetëm progresin tuaj.
- Kini si qëllim përmirësimin kardiovaskular. Aktiviteti i rregullt fizik ndihmon si trupin ashtu edhe mendjen. S’është e nevojshme të shkoni patjetër në palestër, mund të lëvizni me biçikletë për të qenë në formë.
- Përshpejtoni metabolizmin. Për të qenë gati për të veshur kostumin e plazhit duhet të bëni që metabolizmi juaj të djegë më shumë kalori: Shmangni ushqime me yndyrë të lartë dhe me sheqer; flini të paktën shtatë orë në natë dhe alternoni aktivitete aerobike me ushtrime tonifikuese.
- Gjeni mbështetje për të arritur objektivat. Duke pasur një trajner në palestër ju ndihmon për të kapërcyer pengesat, kurse në shtëpi mund të mbështeteni tek familjarët ose miqtë.
- Hani shëndetshëm. Nëse ju filloni një dietë, herët apo vonë do ta përfundoni atë. Ndaj krijoni kulturën e të të ushqyerit shëndetshëm në çdo stinë apo ditë të vitit.
- Ndryshoni stërvitjen. Rutina është armiku i rezultateve: Është e këshillueshme që herë pas herë të ndryshohen ushtrimet në mënyrë që muskujt të mos “mërziten”.
- Boll e kritikuat trupin tuaj. Nëse rrini para pasqyrës dhe pastaj vetëm i ankoheni miqve për trupin tuaj, nuk do të jeni të qetë me veten për të arritur rezultatet e dëshiruara.
- Mendoni më larg se vetëm prova e kostumit të plazhit. Të qënit në formë është ideale për verën, por kjo është edhe shumë më tepër. Mësoni të ushqeheni shëndetshëm dhe të filloni të bëni aktivitete sportive, në mënyrë që të ndiheni në formë në çdo ditë të vitit.
Burimi: DireDonna
