Ish-kryeministri Sali Berisha ka kërkuar sot publikimin e pamjeve të arrestimit të Emiljano Shullazit.
Berisha thotë se pavarësisht se policia e ka bërë praktikë pune publikimin e pamjeve të çdo të arrestuari apo atyre që iu vë gjobë, për Emiljano Shullazin nuk ndodh një gjë e tillë.
“Të dashur miq, kohët e fundit është bërë praktike pune që çdo aksion policor, person i ndaluar apo i arrestuar publikohet me figurë dhe video në lentet mediatike të Saje qorrit që nuk i përmend dot emrin Milit dhe Edvin Shullazit, që ishtë bërë sot vrer e sterrë i zi nga tronditja. Zellit mediatik për të treguar punën e palodhur të Tahirit nuk i kanë shpëtuar as shkelësit e rregullave të qarkullimit rrugor. Ata, përveç gjobës u është dashur të shohin veten në media si ornament të fasadës të luftës ndaj krimit.
Por sot kanë kaluar 72 orë dhe nga zyrat mediatike të Saje dhe Edvin Shullazit nuk ka dalë qoftë dhe një foto apo video e vetme e ndalimit të vrasësit dhe gjobvënësit, simbolit të fuqisë kriminale të partisë siçiliste.
Për Edvin Shullazin, arrestimi i diktuar i nënkryetarit të tij për problemet e sigurisë, nuk është as arritje dhe as sukses, por humbja tejet e rëndë e një qendre të çmuar të pushtetit, që paktet nuk i bën me qytetarët por me kriminelët! sb”, shkruan Berisha.
