Veç dy pikëve mjaft të rëndësishme në garën me rivalët për vendin e tretë, skuadra e Tiranës ka humbur dje në ndeshjen në transfertë ndaj Bylisit edhe futbollistin e saj më në formë në këtë sezon, që pas rikthimit, Gjergji Muzaka. Ky i fundit në një përplasje gjatë pjesës së parë, është detyruar të lërë fushën para përfundimit të pjesës së parë, për shkak të një dëmtimi në shpatull.
Mesfushori bardheblu i është nënshtruar një ekzaminimi fizik që mbrëmë, me të mbërritur në Tiranë. Bylis-Tirana 0-0. Veç pikëve të rëndësishme për klasifikim, bardheblutë humbën dje në Ballsh edhe Muzakën. Sipas njoftimit zyrtar të klubit bardheblu: “Gjergji Muzaka ka pësuar një frakturë në shpatull gjatë ndeshjes me Bylisin. Mesfushori është larguar nga fusha e lojës pa përfunduar pjesa e parë dhe kontrolli i kryer mbrëmë në kryeqytet ka rezultuar aspak pozitiv për të.
Klavikula e shpatullës ka pësuar një frakturë të rëndë dhe për pasojë futbollistit i duhet të qëndrojë për të paktën dy javë jashtë fushave të blerta. KF Tirana i uron shërim të shpejtë mesfushorit dhe rikthim të shpejtë pranë skuadrës”.
