Emiljano Shullazi do të dalë sot para Gjykatës së Krimeve të Rënda për masën e sigurisë. Arrestimi i Shullazit u bë me urdhër të Prokurorisë ndërsa po hetohet për kërcënimet e dy bisnesmenëve dhe gjobëvënie ndaj tyre.
Emiljano Shullazi po hetohet edhe për faktin se rezulton pronar i vetëm i ish hotel Vollgës në rrugën Taulantia në Durrës.
Ish kryeministri Berisha ka publikuar të dielën në statusin e tij në facebook dokumentin e pronësisë ku dallohet qartë se kjo pronë I është dhuruar. Sipas ish kryeministrit Shullazit i jane dhene ne Durres kodra mbreterore, territori rreth pallatit mbreteror.
Ai me 5 kompani ka marre ne perdorim per sezonin truistik te gjithe bregdetin e Bashkise se Durres” shkruan Berisha. Burime nga organi I akuzës bëjnë me dije se dyshohet se hotel Voolga përmes kërcënimeve mund t’i jetë dhuruar Shullazit nga një shtetas shqiptar. Janë të paqarta procedurat e ndjekura për kalimin e ish-hotelit nga një shtetas arab te shtetasi shqiptar, e më pas tek i dyshuari Shullazi.
Ish kryeministri dallon në emrat që e kanë “dhuruar” pronën disa persona me mbiemrin Kodra dhe kujton se në dhjetor të vitit të kaluar, një i ri me të njëjtin mbiemër u vra në këtë qytet, edhe pse nuk dihet nëse viktima ka lidhje me pronën tek Vollga. Prokuroria e krimeve të rënda ka ngritur disa akuza në adresë të Emiljano Shullazit dhe të arrestuarve të tjerë si bashkpunëtorë të ri.
Shullazi akuzohet për “Shtrëngimi me anë të kanosjes “, “Shkatërrim të pronës me eksploziv”, “Grup i strukturuar kriminal”, por edhe për kërcënim ndaj kandidatit për rektor të Universitetit të Tiranës, Mynyr Koni. Kryeprokurori Adriatik Llalla, ka pritur të dielën në në zyrën e tij, kreun e SHISH, Visho Ajazi Lika.
