Revista italiane “L’Espresso” me eksluzivitetin e zotërimit të arkivit të “Panama Papers”, ka publikuar në numrin e saj të rradhës 100 emra të rinj të përfshirë në këtë skandal financiar. E surprizat nuk mungojnë. Mes tyre spikat emri i familjes Barilla, një nga dinastitë më të sukseshme në industrinë ushqimore italiane.
Shoqëria Barilla drejtohet nga 4 vëllezërit; Emanuela, Guido, Luca e Paolo e sipas arkivit të “Panama Papers”, Emanuela zotëron në ishujt britanike Vergin, shoqërinë “La Jamers International”, kapitali i së cilës me vlerë mbi 1 milionë dollarë është në duart e fondacionit Maya Internatinal.
Për revistën “L’Espresso” në lidhje më këtë fakt, zëdhënësja e shtypit e pinjolles së familjes Barilla është shprehur se për momentin nuk ka asnjë pronocim pasi zonja në fjalë ndodhet jashtë territorit italian.
Një emër tjetër i rëndësishëm italian i përfshirë në këtë skandal është Stefano Pesina 74 vjeç, një nga menaxherët më të fuqishëm në botë në industrinë farmaceutike e që revista ametikane “Forbes” e ka renditur si italiani i tretë më i pasur në botë me një pasuri prej 13.4 miliardë euro.
Sipas dokumentave të “Panama Papers”, Steano Pessina e bashkëshortja e tij Ornella Barra zotërojnë një holding- offshore me seli në ishujt Vergin krijuar më 2006 me një borxh prej 36 milionë euro pranë bankës gjermane Dexia në shkëmbim të aksioneve të saj.
Për herë të dytë në këtë listë përfundon emri i ish- kryeministrit Silvio Berluskoni por kësaj herë me biznesin e tij sportiv.
Me dhjetra faqe të dokumentacionit panamez flasin për shoqërinë offshore “Sport Image International” në zotëërim të Berluskonit.
Kjo shoqëri disa vite më parë u përfshi në skandalin e pagesës në të zezë (pra pa asnjë kontratë) të futbollistëve të Milanit si Raud Gullit e Marco Van Basten, i shoqëruar dhe me një proçes hetimor.
Mes dokumentacioneeve që përfshjnë emrin e Silvio Berluskonit gjëndet dhe shoqëria offshore “Struie” e krijuar nga studio Mossack Fonseca me funksion si një kasafortë në ishujt Vergine për kaptialin finaciar jo vetëm të liderit të Forca Italias por dhe për pasanikun italian Flavio Briatore.
Një tjetër emër i rëndësishëm në këtë listë është Stephane Blosch Saluz, mjaft i njohur në botën e artit ndërkombëtar e dtejtues për disa vite i Christie’Italia, filiali në Itali i shtëpisë ndërkombëtare të artit Christie.
Stephane Blosch Saluz me profesionin dhe avokat për disa vite ka qënë pjesë e Këshillit administrativ të Bankës private Edmond de Rothschild në Lugano të Zvicrës, e cila renditt në listën panameze si pronare e shoqërisë Sistan Trading ltd me se në Ishujt Vergin.
I kontaktuar nga gazetarët e “L’Espresso”, Stephane Blosch Saluz ka deklaruar se nuk është në dijeni të kësaj situate në të cilën e akuzojnë se është i përfshiirë.
Paolo Borghini, është një tjerë personazh publik mjaft i njohur në sektorin e Industrisë së mermerit, i përfshirë në skandalin “Panama Papers”. Në ishujt Seyshells ai rezulton administrator i shoqëtisë offshor Kingsmill Avenue.
Sipërmarrrësi italian është përshirë një vit më parë në një proçes hetimor të nisur nga Policia financiare italiane për fshehjen e faturave të shitjes së mermerit calacata, një nga tipet më të shtrenja e më të kërkuara të mermerit në botë.
Por përveç emrave italian revista “L’Espresso” ka bërë publik se në skandalin e “Panama Papers” është përfshirë dhe një nga emrat më të njohur të botës sportive të Moto GP.
Ai është Hiroshi Yasukawa, japomerz i datëlindjes 1950, e Drejtori i Përgjithshëm i shoqërisë “Brigestone MotorSportn” e cila nga viti 2009-2015 ka qënë furnizuesja e vetme e gomave në Moto GP, kampionati më i rëndësishëm në garat e motorave sportiv.
Hiroshi Yasukawa, rezulton aksionist i shoqërisë offshore Burlington Park ltd, krijuar në Seyshells nga filiali në Gjenevë i studios Mossack Fonseca.
Aktualisht Hiroshi Yasukaëa, punon si konsulent i shoqërisë spanjolle Dorna Oggi e cila prej vitit 1992 organizon kampionatin e MOTOGP e shet të drejtat e tij në të gjithë botën.
Një biznes ky prej qindra miliona dollarë në vit e i garantuar të paktën deri më vitin 2041, kur skadon dhe kontrata eskluzive.
Kampionati i MotoGP organizohet çdo vit në 13 shtete e 18 pista të ndryshme duke u kthyer në një spektakël planetar me miliona telespektatorë.
Revista “L’Espresso” informon gjithashtu se dokumentacioni i “Panama Papers” konfirmon investigimin e kryer më parë nga gazetarja Khadija Ismayllova e cila kishte zbuluar biznesin offshore të presidentit të Azerbajxhanit Ilham Allyev e të familjarve të tij.
Sipas e Ismayllovës, e vetmja minierë e arit në Azerbajxhan zotërohej nga tre shoqëri; Londex Resources, Ëilly and Meyrls e Fargate Mining Cooporation.
Të 3 këto shoqëri janë të regjistruara në Panama e të kontrolluar nga tre vajzat e Ilham Allyev.
Arkivi i studios ligjore Mossack Fonseca vërteton akuzat e gazetares Ismayllova e cila aktualisht është e dënuar me 7 vjet e gjysëm heqje lirie, dënim që e vuan në burgun e kryeqytetit azerbajxhan Baku.
