Mediat britanike kanë bërë me dije sot se Manchester United ka hyrë në garë me Juventusin për të marrë mbrojtësin 20-vjeçar të Ajaks, Kenny Tete, i cili konsiderohet si e ardhmja e këtij sporti. Tete është një mbrojtës i gjithanshëm, pasi mund të luajë si në qendër të mbrojtjes ashtu dhe në krahun e djathtë, pozicione që i ka mbuluar me sukses tek Ajaksi.
Juventusi ishte ekipi i parë që hodhi sytë te talenti holandez, duke bërë gati ofertën prej 8 milionë eurosh për merkaton e verës, por sipas “Daily Mirror” United është gati të ofrojë më shumë. Kenny Tete me fanalën e kombëtares holandeze Tete ka debutuar në tetor të 2015-ës me kombëtaren holandeze, duke luajtur 90 minuta në fitoren 2-1 që “tulipanët” arritën ndaj Kazakistanit.
Ndërsa këtë sezon ka mbi 30 ndeshje që luan si titullar me Ajaksin. Tashmë Juve e United do të nisin një duel të fortë për të marrë mbrojtësi holandez, një ankand që mund të mbyllet shumë shpejt, duke parë se admiruesit e mbrojtësi 20-vjeçar nuk mungojnë. Duket se e ardhmja e Tete do të jetë larg Ajaksit, që vazhdon të prodhojë talente në futboll.
