Ndërkohë që Snapchat është zgjeruar dhe ka shtuar tipare të reja gjatë vitit, ai në mënyrë të vazhdueshme është rritur në radhën e titanëve të mediave sociale. Në fakt, ai është tani më popullor se Twitter, Facebook dhe Instagram midis zemrës së demografisë- adoleshentëve.
Studimi i Piper Jaffray “Taking Stock With Teens” anketoi rreth 6,500 adoleshentë Amerikanë për të parë se cili ishte për ta rrjeti social më i rëndësishëm, dhe Snapchat mori 28% të votave. Instagram vjen i dyti me 27% të votave i ndjekur nga Twitter dhe Facebook.
Anketimi “Taking Stock With Teens”, i cili bëhet çdo gjysmë viti, tregoi që Snapchat është rritur gjatë viteve të fundit. Në anketimin e pranverës 2015, Instagram ishte rrjeti social që kryesonte dhe Snapchat vinte i katërti në radhë pas Twitter dhe Facebook.
Studimi tregon që adoleshentët priren të jenë më të interesuar në shikimin e fotove dhe videove sesa në shikimin e mediave të fokusuara në tekstet e shkruara si Twitter dhe Facebook.
Snapchat ka bërë ndryshimet dhe përditësimet më të mëdha gjatë vitit të fundit, duke prezantuar gjëra të tilla si Snapchat Discover dhe duke debutuar transmetimin e drejtpërdrejtë të Oscar. Rrjeti social është zgjeruara në zona më interesante duke shtuar gjithmonë e më shumë filtra për foto dhe video gjithashtu dhe tiparin popullor të shkëmbimit të fytyrave. Platforma përmirësohet vazhdimisht për të qenë gjithmonë tërheqëse dhe e freskët për përdoruesit, ndërkohë që platformat e tjera kanë mbetur përgjithësisht të pandryshueshme.
Jo çuditërisht, Google+ ishte në vendin e fundit me 1% të votave nga adoleshentët, e mundur nga Tumblr dhe Pinterest secila me 2% të votave.
