Deputeti kritik në PS, Ben Blushi nis sot nga Berati turin e tij me titull “Shqipërinë mbi partinë”.
Blushi shoqërohet nga përkrahësja e tij, deputetja Mimoza Hafizi, Maqo Lakrori, Marko Bello si dhe Petrit Ago, ndërsa takimi po mbahet në pallatin e Kulturës. Gjatë fjalë së tij, kontroversi Blushi tha se në 25 vite demokraci shqiptarët nuk morën atë që prisnin. Ndër të tjera ai pohoi se ‘ajo që na mbledh sot për fat të keq është dëshpërimi’.
“Ajo që na mbledh sot, për fat të keq është dëshpërimi. Shqipëria është një vend i dëshpëruar. Në 25 vjet demokraci nuk morëm atë që prisnim”, tha Blushi.
Po ashtu, deputeti tha se Shqipëria sot është një vend i papunë dhe i më i korruptuar. “Shqipëria sot është vendi me emigracionin më të lartë dhe po përballë një emergjence të madhe. Shqipëria mund të bëhet duke i dhënë fund këtij 25-vjeçari tragjik. Gjendja është e rëndë pasi kanë munguar reformat”, tha Blushi.
Teska iu rikthyer çështjes më të përfolur, atë të zgjedhjeve brenda PS, Blushi tha se ‘ne jemi anëtarë të një partie që nuk bën zgjedhje’. “Do bindim qytetarët se ky vend mund të bëhet. Asnjë vend nuk mund të bëhet kur nuk ka demokraci. Brenda 25 viteve në PS po grabiten votat e vetë socialistëve”, tha ai.
