Akuzat e Bashës për Shullazin, Tahiri: Qentë le të lehin, karvani ecën përpara. Askush mbi ligjin!

Ministri i Brendshëm, Saimir Tahiri ka reaguar pas akuzave të ish-kryeministrit Sali Berisha dhe kreut të PD-së, Lulzim Basha se arrestimi i Emiljano Shullazit u bë me urdhër nga ndërkombbtarët.

Tahiri i quan degradim moral, politik dhe ligjor, këto deklarata duke mohuar se kryeministri Edi Rama dhe PS kanë ndërhyrë në zgjedhjet në universitete.

 

DEKLARATA E TAHIRIT

Policia kryen arrestime, Saliu me Lulin thonë që ndërkombëtarët paskan urdhëruar Edi Ramën që ta bëjë këtë, pasi po sipas Saliut dhe Lulit ai e përdori të arrestuarin kryesor për të kërcënuar kandidatin për rektor!

Çfarë degradimi moral, politik, logjik!

Edi Rama dhe PS nuk kanë ndërhyrë asnjë çast dhe në favor të askujt në garën e zgjedhjeve universitare. Këto që po zhvillohen janë të parat zgjedhje të lira nga ndikimi i qeverisë që janë zhvilluar ndonjëherë në universitete.

LEXO EDHE  “Dezinfektim real kundër COVID-19, boll me propagandë”/ Kalo thumbon Bashkinë për ambientet publike

Ndërsa Policia e Shtetit provoi edhe njëherë se nën këtë qeveri s’ka asnjë të mbrojtur nga ligji, asnjë mbi ligjin.

Sot na akuzojnë për të njëjtat gjëra që i bënin vetë kur ishin në qeveri.

Në këtë vend, për dy dekada, ka vetëm një njeri e një parti që ka nxitur, përkrahur e mbrojtur botën e krimit, e po këta kanë gojë sot të na akuzojnë ne.

Prandaj Saliu dhe Luli sot meritojnë vetëm fjalën e urtë popullore qentë le të lehin karvani ecën përpara!



PËRGJIGJU

Please enter your comment!
Please enter your name here